ვებ საიტი მუშაობს სატესტო რეჟიმში, ძველ საიტზე გადასასვლელად
დააჭირე აქ
კაბერნე სოვინიონი
მსოფლიოში ყველაზე გავრცელებული და ცნობილი ყურძნის ჯიში. ასამბლაჟისას აკომპანირებს მერლოსთან, კაბერნე ფრანტან, მალბეკთან. გამოირჩევა დაძველების შესანიშნავი პოტენციალით. მუხის კასრებში დავარგებისას გამოირჩევა კონცენტრირებული ტანინებით და აქვს ღრმა სტრუქტურა.
კაბინეტი
გერმანული მსუბუქი თეთრი ღვინო დამზადებული დამატებითი შაქრის გარეშე, რომელსაც ალკოჰოლის შედარებით დაბალი შემცველობა ახასიათებს.
კავა
შამპანურის ტექნოლოგიით დამზადებული ესპანური შუშხუნა ღვინო, რომელიც იმავე ბოთლებში იყიდება, რომლებშიც გაიარა მეორადი დადუღების პროცესი. ესპანურად ეს ტერმინი ნიშნავს აგრეთვე მარანს, სადაც ძველდება ღვინოები.
კაზეინი
ცნობილია ლაქტოზის სახელით, თეთრი ფხვნილია, მსუბუქი, წყალში მძიმედ ხსნადი. იგი იხმარება თეთრი ღვინოების გამოსაკეტებლად, გარდა ამისა, გადაბრუნებით და სიმწარით დაავადებული ღვინოებისათვის, რადგანაც მას აქვს ღვინის გაუფერულების თვისება, წითელი ღვინის გაწმენდას ამ საშუალებით უნდა ვერიდოთ.
კაჟოვანი
მაგარი, ქვისებრი გემო ღვინოში. შაბლისა და სანსერის რეგიონის ღვინოები ყოველთვის ასოცირდება კაჟის სუნთან და გემოსთან, რაც განპირობებულია კირქვიანი ნიადაგებით. კაჟოვანი ღვინოები ჩვეულებრივ მშრალია და მწკლარტე.
კარამელის გემო
დამწვარი შაქარის მდიდარი და სასიამოვნო გემო, რომელიც დიდი ხნის მანძილზე დაძველებულ ღვინოებს (reserva da gran reserva) ახასიათებს.
კარბონატული მაცერაცია
ღვინის დუღილის ტექნოლოგია, რომელიც გამოიყენება წითელი ღვინოების დადუღებისათვის. კარბონატული მაცერაციის დროს ყურძენი ფერმენტალურ დადუღებას გადის. ეს ტექნოლოგია გამოიყენება რბილი, არომატული ახალგაზრდა ღვინოების მისაღებად
კარბონატული ღვინო
დაბალი ხარისხის შუშხუნა ღვინოები, რომელთა შემადგენლობაშიც ქარხნული წარმოებისას შეყვანილი იქნა ნახშიროჟანგი.
კასრი
როგორც წესი მუხის ხისგან დამზადებული მრგვალი ჭურჭელი, რომელიც ღვინის დასაძველებლად გამოიყენება. კასრების ზომა განსხვავდება მეღვინეობის რეგიონებისა და სხვადასხვა მწარმოებელთა მიხედვით.
კაფსული
ბოთლის ყელზე და საცობზე ჩამოცმული დამცავი ფუტლიარი, რომელიც არ უშვებს ჰაერს ბოთლში და იცავს საცობს გამოშრობისაგან.
კიანტი
ხილის ტონებიანი, მსუბუქი წითელი ღვინო ტოსკანადან (იტალია) რომლის ფერიც შეიძლება იყოს ლალისფერიდან მუქ წითლამდე. ძველად ამ ღვინოს ასხავდნენ ჩალით დაფარულ ბოცებში. იმისათვის, რომ ღვინოს ეწოდოს კიანტი, აუცილებელია მისი დაძველება სამი ამ მეტი წლის მანძილზე.
კიანტი კლასიკო
DOC-ის წითელი კიანტის მეღვინეობის რაიონიდან. იმისთვის, რომ ღვინო ამ სახელით გამოვიდეს ბაზარზე, აუცილებელია ვენახიც და ღვინის ქარხანაც ამ რეგიონში მდებარეობდეს.
კლარეტი
ხილის ტონებიანი მსუბუქი ღია წითელი ფერის ღვინო, რომლის დუღილის პროცესშიც ძალიან მცირე ჩენჩო იღებს მონაწილეობას. ღვინო ისმევა ახალგაზრდა. ინგლისში ეს ტერმინი გამოიყენება ბორდოს წითელი ღვინოების აღსანიშნავად.
კლერტისებრი
ზოგიერთი ღვინის სუნი და გემო, რომელშიც დომინირებს ვაზის კლერტის გემო.
კონსტანცია
ლეგენდარული ტკბილი ღვინო სამხრეთ აფრიკიდან, ნაპოლეონის საყვარელი ღვინო. ეს ღვინო იწარმოებოდა მამულში Groot Constantia, რომელიც დღემდე აწარმოებს ღვინოს.
კონტროლირებადი და გარანტირებული წარმოშობის დასახელება
DOC-ის შემდგომი, უფრო მაღალი საფეხური იტალიის ღვინის მარეგულირებელ სისტემაში, რომელიც აკონტროლებს უმაღლესი ხარისხის იტალიურ ღვინოებს.
კონტროლირებადი წარმოშობის დასახელება
ღვინის ხარისხის მარეგულირებელი სისტემა იტალიაში, რომელიც დაარდა 1963 წელს. კანონები იცავენ ღვინის ხარისხს გეოგრაფიულ საზღვრების დადგენის, ყურძნის სახეობების, ალკოჰოლის შემცველობის, მაქსიმალური მოსავლიანობის და დაძველების მოთხოვნილებების დადგენის მეშვეობით.
კრახუნა
იმერული თეთრყურძნიანი ვაზის ჯიში. გემური თვისებებით იგი ითვლება საუკეთესო სუფრის ყურძნის ჯიშად. მისგან მზადდება კარგი სხეულიანი, ექსტრატიანი ღვინო საკმაო ალკოჰოლით.
კრიომაცერაცია
თეთრი ღვინოების დამზადების ტექნოლოგია, რომელიც დადუღების წინ ძალიან დაბალ ტემპერატურაზე აყოვნებს დაწურულ ყურძენს ჩენჩოებთან ერთად, რაც აძლიერებს ხილის ტონებს და სხვა არომატებს.
კრუ
ხარისხიანი ღვინოების კლასიფიკაციის სისტემა საფრანგეთში, რომელთაგანაც საუკეთესო ღვინოები წარმოდგენილია კატეგორიებში Grand Cru (უმაღლესი ხარისხის ღვონო) და Premier Cru (პირველი ხარისხის ღვინო).
კუვეე
ფარნგული ტერმინი ბევრი ღვინისა ან ნარევისათვის.
კუპაჟი
ღვინოში სხვა ღვინის დამატება მისი თვისებების გასაუმჯობესებლად ან გასაძლიერებლად. შეიძლება ერთმანეთს შევურიოთ როგორც ერთიდაიგივე, ასევე სხვადასხვა წლების ღვინოები.
