მარანის ველური საფერავი მეღვინის ყოველგვარი ჩარევის გარეშე დაყენებული სრულიად ნატურალური ღვინოა. მისი მოგზაურობა რჩეული ვენახიდან იწყება და გრძელდება ქვევრში, სადაც დადუღების შემდეგ ჭაჭაზე დავარგება დეკემბრამდე გრძელდება. ამის შემდეგ ღვინო ინაცვლებს მუხის კასრებში და აპრილამდე ღია ცის ქვეშ რჩება, რათა ცვალებად გარემოსთან მუდმივი ინტერაქციის პროცესში გაძლიერდეს და დავარგდეს.

ეს განსაკუთრებული ღვინის ბოთლი გაფორმებულია ფერწერული ნამუშევრით - „ველური შემოდგომა“, რომელიც ექსკლუზიურად შეიქმნა ცნობილი მხატვრის, რუსუდან ფეტვიაშვილის მიერ და თავის მხრივ არტისტულ შარმს მატებს ბუნების მიერ ველურად დახვეწილ ღვინოს.