მუზეუმის კოლექციის იდეა დაიბადა 2007 წელს, კუდიგორას ვენახის საფერავის დიდი ხნის ნანატრი მოსავლის აღსანიშნავად. გადავწყვიტეთ, შეგვექმნა პირველი მოსავლის ღვინის „დროის კაფსულა“, რომელიც კლასიკური წითელი ტკბილი სარეზერვო ღვინის  სტილით  მუხის მუხის კასრებში ხანგრძლივი პერიოდით  დავარგდებოდა. შესადარებლად კი, იგივე მეთოდი მივუსადაგეთ ალექსანდროულს, რომელიც დასავლეთ საქართველოში ყველასთვის ცნობილი ნახევრად ტკბილი ღვინის, ხვანჭკარასთვის გამოიყენება.

250  ლიტრიან მუხის კასრებში დუღილისას, ორივე სახეობის ღვინო შეზავდა სპეციალურად შერჩეული, ჩვენსავე მარანში გამოხდილი თეთრი ბრენდით, იმისთვის, რომ  კასრთან და ღვინოსთან ხანგრძლივი თანაცხოვრების გრძელ გზაზე გვეპოვა მათი სიმბიოზის იდეალური თანაფარდობა და საუკეთესოდ წარმოგვეჩინა ღვინის დომინირება დროსა და ასაკზე. 

დავარგება მიმდინარეობდა ჩვენი მარნის ერთ კუთხეში, მაქსიმალურად შორს ტემპერატურის ცვალებადობისა და ვიბრაციისგან. დაძველების 15 წლის მანძილზე, ეს ორი სრულიად განსხვავებული ღვინო, როგორც ფერის სიღრმით ასევე საგემოვნო ობერტონებით, ინდივიდუალურად მდიდრდებოდა და იხვეწებოდა, თუმცა, ყოველი შუალედური დაგემოვნებისას, მათი საცდელი ნაზავი აღემატებოდა თითოეულს ცალ-ცალკე.

საბოლოო სინთეზი 2022 წლის ბოლოს მოხდა, რის შედეგადაც ჯამურად სულ  1300 ბოთლი ჩამოისხა. ასე დაიბადა  მუზეუმის კოლექციის პირველი არტეფაქტი.