Marani Logo

Wine Glossary

ჩალისებრი (Straw)

სუფთა თეთრი ღვინო, რომელსაც ჩალისფერი დაჰკრავს.

ჩამოსხმულია შატოში (Chateau Bottled)

ნიშნავს, რომ ღვინო ჩამოსხმულია ბოთლებში იმ შატოში, რომლის სახელიც მითითებულია ეტიკეტზე. ეს პრაქტიკა შემოღებული იქნა საფრანგეთში, განსაკუთრებით ბორდოში, ფალსიფიცირებასთან საბრძოლველად. ყველა ხარისხიანი ფრანგული ბორდოს ღვინოების ეტიკეტზე მინიშნებულია: “ჩამოსხმულია შატოში” (“Mis en bouteille au chateau”) ან “ჩამოსხმულია მამულში” ("Mis en Bouteille au Domaine"). ეს ღვინოები მაღალი ხარისხისაა. დღესდღეობით ძნელია იმის მტკიცება, რომ შატოში ჩამოსხმული ღვინო სხვებზე მაღალი ხარისხისაა.

ჩინური

ქართლის თეთრყურძნიანი აბორიგენული ჯიში. მისი სახელწოდება წარმოსდგება "ჩინებულისაგან" (საუცხოო). გამოირჩევა, როგორც მაღალხარისხოვანი საღვინე ჯიში. მისგან ამზადებენ სუფრის ღვინოებს. იყენებენ შამპანურის ღვინომასალად.

ჩხავერი

გურიის ვარდისფერი ყურძნის აბორიგენული ჯიში. მისგან დამზადებული ღვინოები გამოირჩევა სინაზით, სასიამოვნო გემოთი და ალკოჰოლის ნორმალური შემცველობით.

ჩხვლეტა (Prickle)

ზოგიერთ ახალგაზრდა ღვინოში არსებული ძალიან წვრილი ბუშტულები.